aIsa 34:5; Eze 20:1
bJob 23:2; Isa 22:4
cTp 32:41
dPh 110:5-6
eJer 46:4
fMs 24:10
gEze 6:11
iEze 22:13
jMs 32:23
kEze 22:4
lPc 19:38; Zep 2:8
mJer 27:9
nJer 47:6
oPh 79:6
pEze 25:10

Ezekiel 21

Babylon Pasian Thukhenna Namsau

1TOPA thu kei tungah hong tunga: 2“Mihing tapa aw, na maitang Jerusalem lam ngat inla munsiangtho langah thu hilh in. Israel gam langkhatah thu genkhol inla 3tuanu tungah: ‘Hih in TOPA gen ahi hi: Nang langkhatah ka pang hi. Ka namsau a paai panin ka dok dinga, misia le mipha kong bantan khawm ding hi. 4Misia le mipha bantan khawm ding ka hi manin leilu lam pan leitaw-lam dongin kuama tungah ka namsau a paai ah ka siat tuan kei ding hi. 5Tua ciangin keimah TOPA in ka namsau a paai pan dokkhia in ka siat kik loh ding lam mi khempeuh in a thei ding uh hi,’ ci-in gen in. a

6 “Tua ahi ciangin mihing tapa aw, thum in! Amaute mai-ah dah lua-in lungsim tamkhamin thum in. 7Amaute in nang kiangah, ‘Bang dinga thum na hi hiam?’ ci-a hong dot uh ciangin, ‘Kei tunga hong tung thuthakte hang ahi hi. Lungtang khempeuh tuisuak dinga, khut peuhmah kha dakdakin, lungsim khempeuh bei dinga khuk khempeuh tui bangin a neem ding hi,’ ci-in gen in. Tua hun hong tung ta ding hi! Hong tung taktak ding hi, TOPA in cikhia hi,” hong ci hi. b

8 TOPA thu kei tungah hong tunga: 9“Mihing tapa aw, thu genkhol inla, ‘Hih in Topa gen ahi hi: c

“‘Namsau khat, kinawtngila
a kitathiamsa namsau khat -
 10 mihing gawh nadinga kitathiam
kinawt ngila khuaphia banga a tee zialzial namsau khat! d

“Ka tapa Judah kumpi ciangkhut hangin lungnuam ding i hi hiam? Namsau in tua bang ciangkangte a thusim kei hi.

 11 “‘Namsau nawtngil pen e
khuta zatpah lian dinga sehsa ahi hi;
tathiamsa le nawtngilsa hi-a,
mi that ding pa zat dingin a mansa ahi hi.
 12 Mihing tapa aw, hih in ka mite thuak ding ahi manin
kikokhia inla tau in;
tua in Israel gam-ukte khempeuh thuak ding ahi hi.
Amaute in ka mite khempeuh tawh
namsau thuak khawm ding uh hi.
Tua ahi ciangin na awm tum in.

13 “‘Zia-etna hong tung taktak ding hi. Namsau in a thusim loh Judah kumpi ciangkhut kizom suak kei leh e! Thupipen TOPA in cikhia hi,’ ci hi.

14 “Tua ahi ciangin mihing tapa aw,
na khutte gel tum inla mailam thu genkhol in. f
Tua namsau nihvei tham lo
thumvei nangawn kivat hen.
Tua in kigawhna namsau -
a ning kim panin nehtuah a
tampitak gawhna namsau ahi hi. g
 15 Lungsim tuisuak nading le
tampi a puk nadingin thahna ▼
▼21.15 Septuagint ; Hebrew in hih kammal a cihnopna kician lo hi.
 namsau,
amaute kongpi khempeuh ah
ka pangsak khin hi.
Ehei! Khuaphia bangin kiteesak zalzal a,
a go dingin a len cinten hi,
 16 Namsau aw, na veilam le
na taklam,
na vat manna peuhpeuh vat in.
 17 Kei zong ka khutte gel ka tum dinga i
tuateh ka thangpaihna a kiam ding hi.
Keimah TOPA in ka gensa ahi hi,” hong ci hi.

18 TOPA thu kei tungah hong tunga, 19“Mihing tapa aw, Balylon kumpipa namsau, gam khat pan a kibang lam niha a kipat theih nadingin lampi nih ciamteh in. Tua khuapi lam zuatna lampi a katna munah ciaptehna khuam khat phut in. 20Namsau in Ammon mite khua Rabbah a vat nadingin lampi khat ciamteh inla Judah le kulha ki-um Jerusalem vat nadingin adang khat hisak in. 21Ahang in, Babylon kumpipa lampi nih kituahna lamka lai-ah khawlin ai san phot dinga: A thaltangte tawh aisanin, a milimte dongin sasin a vel ding hi. 22Molh-tumpi-a kulh sukkhap nading mun ahi zongin vat un, cih thupiak nading ahi zongin, galsim ta un ci-a kiko nading ahi zongin molh-tumpi-a kongpi sukhap nading ahi zongin, lei sunvum nading ahi zongin, umcih nading ahi zongin Jerusalem adingin a khut taklam sungah ai hong om ding hi. 23Ama tunga kiciamte adingin ai a pha lo tawh a kibang ding hi. Ahi hangin amaute khialhna phawksakna le sal-a a kikaih nading ahi hi.

24 “Tua ahi ciangin hih in Thupipen TOPA gen ahi hi: ‘No mihingte in lungsim sunga ciamteh dingin thei gige mahin na lehdona uh hangin na hihna khempeuh uhah na mawhna uh na pholak uh hi - hihte na hihna uh hangin salin hong kikai ding hi. j

25 “A ni tungta in, a dan thuak ding hun khengval ta a, a thanghuai a gilo Israel gam-ukpa aw, 26hih in Thupipen TOPA gen ahi hi: Na dialkhip lakhia in, na kumpi lukhu suahkhia in. Nidang lai-a bang hi nawn lo ding hi. Miniamte kitawisang dinga, a kitawisangte kiniamsak ding hi. 27Kisiagawp! Kisiagawp! Ka siasak gawp ding hi! A neipa taktak hong pai mateng a kipia kik kei ding hi; amah ka pia ding hi,’ ci hi. k

28 “Tua ciangin mihing tapa aw, thu genkhol inla, ‘Hih in Thupipen TOPA in Ammon-te le a simmawhte tawh kisai-a a gen ahi hi: l

“‘Namsau khat, namsau khat,
gawhlup nadinga kidokkhiasa
a nawmvalh ding le
khuaphia banga tee zalzal dinga kinawt ngilsa namsau khat!
 29 Nang tawh kisai a man lo mangmuhna le
zuau ai sannate tangin m
a ni tunga a dan thuak ding hun
a khengval ta,
thahlup ding mi gilote ngawng ah
kinga ding hi.
 30 Namsau a paai-ah siat kik un. n
Nang hong kibawlna mun;
na pu na pate uh gamah
thu kong khen ding hi.
 31 Note tungah ka thangpaihna sungin
ka hehluatna husa-in kong mut ding hi. o
Siatsakzia a siam, a cikzia lo mite tungah
kong pia ding hi.
 32 Note mei-ah hong kikhul dinga,
na sisan uh na gamuah kiluangsakin
hong kiphawkkha nawn kei ding hi; p
hih thu keimah TOPA in ka gensa ahi hi,’ ci in,” hong ci hi.
Copyright information for ZomZIV